ისტორიაში პირველად, Signite საქართველოს დედაქალაქ თბილისში ექთნებისა და ფიზიოთერაპევტებისთვის საინფორმაციო შეხვედრა გამართა, რომლებიც გერმანიაში დასაქმების შესაძლებლობებს ეძებენ. ძლიერი ჯანდაცვის სისტემით, კონკურენტული ხელფასებით, სამუშაო და ცხოვრების შესანიშნავი ბალანსით, გერმანია პერსპექტიულ მომავალს სთავაზობს ჯანდაცვის პროფესიონალებს. ჩვენმა ღონისძიებამ დამსწრეებს მისცა უნიკალური შესაძლებლობა პირისპირ შეხვედროდნენ გერმანელ დამსაქმებელს და გაეგოთ მეტი ხელმისაწვდომი ვაკანსიების შესახებ.
ღონისძიების მეორე დღეს კანდიდატებს ჰქონდათ უნიკალური კარიერული წინსვლის შესაძლებლობა. დამსაქმებელთან პირისპირ ჩატარდა ოცი სამუშაო ინტერვიუ, რითაც ექსპერტებს გერმანიის ჯანდაცვის სისტემისა და სხვადასხვა სამედიცინო დაწესებულების სპეციფიკური მოთხოვნების უფრო ღრმა გაგების საშუალება მისცათ. კანდიდატებს საშუალება ჰქონდათ ესაუბრათ Median კლინიკის წარმომადგენლებთან, ხოლო გასაუბრების მეორე ეტაპი მოიცავდა კანდიდატების არსებულ ვაკანტურ პოზიციებზე შესაბამისობის ანალიზს.
შეხვედრა საკმაოდ საინტერესო იყო. იმ საკითხებზე, რაც შედარებით ბუნდოვანი იყო ჩემთვის, პირველწყაროდან მივიღე ამომწურავი პასუხები, რამაც კიდევ უფრო გაამაყარა ჩემი გადაწყვეტილება კარიერის გერმანიაში გაგრძელების შესახებ
პირადად ჩემთვის შეხვედრა ძალიან ნაყოფიერი იყო. ამომწურავად გავეცანი ინფორმაციას დასაქმების , სწავლის, დიპლომის აღიარების შესახებ. ასევე დამსაქმებლის შრომის პირობებს და ანაზღაურებას. დეტალური ინფორმაცია მივიღე ოჯახის გაერთიანების შესაძლებლობაზე, რაც ჩემთვის ყველაზე მნიშვნელოვანია.